Government of Ontario Logo

Be Prepared

BE PREPARED

ᐊᓂᐣ ᑫᐃᔑᑲᐧᔭᒋᑲᑕᓯᔭᐣ ᐊᐱᐣ ᓇᐣᑕ ᑫᑕᑕᐁᐧᐣ ᑫᑯᐣ ᐅᒋᑭᐃᔑᓭᐠ

ᐊᐃᐧᔭᐠ ᐅᐣᑌᕑᐃᔪ ᑲᑲᐯᔑᐊᐧᐨ ᓇᓇᑲ ᐱᑯ ᑭᒋᐃᔑᓭᐃᐧᓇᐣ ᐅᓇᑭᐡᑲᓇᐊᐧᐣ, ᑐᑲᐣ ᑲᑭᒋᒪᑲᐧᒥᐃᐧᓭᐠ ᐁᑲᐧ ᑲᐊᑕᐁᐧᓭᐠ ᐃᐡᑯᑌᐃᐧᔭᑊ ᒥᓇ ᐱᑯ ᑭᒋᑭᐡᑎᓇᐣ ᐁᑲᐧ ᐊᓄᑭᐃᐧ ᒪᒋᓭᐃᐧᓇᐣ᙮ ᐁᑲᐧ ᑭᔭᐱᐨ ᐅᑫᐧᓂᐊᐧᐣ ᐁᐧᑎ ᐊᓂ ᓂᑲᐣ ᑲᓇᑭᐡᑲᒥᓇᐣ᙮

ᐊᓇᐱ ᐱᑯ ᑭᒋᒪᒋᓭᐃᐧᓇᐣ ᐅᒋᐃᔑᓭᐊᐧᓄᐣ ᐁᑲᐧ ᑕᐡ ᒋᑲᐧᔭᒋᓇᓂᐊᐧᐠ ᒪᐊᐧᐨ ᓇᑕᐁᐧᐣᑕᑲᐧᐣ ᒥᐡᑯᐨ ᐃᐧᒋᐦᐃᐁᐧᐃᐧᐣ ᐊᔕ ᒋᑲᐧᔭᒋᑕᑲᐧᐠ ᐊᐱᐣ ᓇᑕᐁᐧᐣᒋᑲᑌᐠ᙮

ᐊᒥᐁᐧ ᑲᑭᓇᐃᐧᔭᐠ ᑲᐅᒋᓇᑕᐁᐧᐣᑕᑯᓯᐊᐧᐨ ᑭᒋᐃᔑᓭᐃᐧᐣ ᐊᐧᐁᐧᓇᒋᑫᐃᐧᐣ ᒋᐊᔭᐊᐧᐨ ᒥᓇ ᐊᐸᒋᒋᑲᐣ ᒥᐡᑯᐨ ᑲᐧᔭᐠ ᒋᑲᓇᐁᐧᓂᒥᑎᓱᐊᐧᐨ ᓂᐦᓱᑭᔑᑲ ᒥᓂᑯᐠ᙮

ᓂᐡᑕᑦ 1: ᐅᔑᑐᐣ ᐊᐧᐁᐧᓇᒋᑫᐃᐧᐣ

ᐁᑲᐧ ᑭᒋᐃᔑᓭᐃᐧᐣ, ᑲᐧᓂᐣ ᑫᒋᓇᐨ ᐊᐦᐃᐣ ᑫᑯᓇᐣ ᑲᐊᐸᒋᑐᔭᓂᐣ ᑕᓱᑭᔑᑲ ᑕᔭᓯᓄᐊᐧᐣ ᐊᒥᐁᐧ ᐊᐱᐣ ᓇᐣᑕ ᒋᐃᔑᓭᐠ ᒋᒪᒋᐦᐊᒧᐦᐃᑯᔭᐣ ᐃᐃᒪ ᑭᑲᐯᔓᐃᐧᓂᐠ᙮ ᐁᑲᐧ ᒪᒥᑎᓀᐣᑕᒪᐣ ᐊᓂᐣ ᑫᑐᑕᒪᐣ ᒪᐊᐧᐨ ᓂᐡᑕᑦ ᓇᑕᐁᐧᐣᑕᑲᐧᑭᐣ ᐅᐅᐁᐧ ᒋᑲᐧᔭᒋᑲᑕᒪᐣ᙮

ᐁᑲᐧ ᐅᑫᐧᓂᐊᐧᐣ ᑲᔭ ᒋᐊᔭᑭᐣ ᑭᐊᐧᐁᐧᓇᒋᑫᐃᐧᓂᐠ

  • ᓂᔑᐣ ᐊᔭᑲᐧᒥᓯᐃᐧᑲᒥᑯᐣ ᑭᐡᐱᐣ ᐊᐱᐣ ᐃᔑᓭᐠ ᒋᓇᑲᑕᒪᐣ ᑭᑲᐯᔕᐃᐧᐣ᙮ ᐯᔑᐠ ᓇᐣᑕ ᐃᐃᒪ ᓀᑫ ᑲᐃᔑᑲᐯᔑᔭᐣ, ᑐᑲᐣ ᒪᓯᓇᐦᐃᑲᓇᐣ ᑲᐃᔑᑕᑲᐧᑭᐣ ᓇᐣᑕ ᑭᒋᐊᐧᑲᐦᐃᑲᓂᐠ᙮ ᐁᑲᐧ ᒥᓇ ᑯᑕᐠ ᓇᐊᐧᐨ ᐱᑯ ᐊᐧᐦᓴ ᒋᐃᔑᑕᑲᐧᐠ ᑭᐡᐱᐣ ᐊᐱᐣ ᒪᐊᐧᐨ ᑭᒋᐃᔑᓭᐠ ᐃᐃᒪ ᓀᑫ ᑲᐃᔑᑲᐯᔑᔭᐣ᙮
  • ᒥᓇ ᑎᐯᐣᒋᑫᐃᐧᐣ ᐊᒥᔭᒥᐦᐃᑐᐃᐧᐣ ᐊᐧᐁᐧᓇᒋᑫᐃᐧᐣ᙮ ᒣᑲᐧᐨ ᑲᑭᒋᐃᔑᓭᐠ, ᒪᒋᑭᑐᐃᐧᓇᐣ ᐁᑲᐧ ᑯᑐᑭᔭᐣ ᑫᑯᓇᐣ ᓇᐣᑕ ᑲᔭ ᐊᐱᐣ ᑲᐃᐧᐣ ᑕᔭᓄᑭᓭᓯᓄᐊᐧᐣ᙮ ᑲᐧᔭᑎᓇᓂᐣ ᐯᔑᐠ ᓇᐣᑕ ᓂᔑᐣ ᑫᐃᔑᑭᑐᓇᓂᐊᐧᐠ ᐊᑲᐧᒋᔭᐦᐃᐠ ᑕᐃᐧᓂᐠ ᑭᐣ ᓇᐣᑕ ᑲᔭ ᑭᓴᑭᐦᐊᑲᓇᐠ ᑫᐃᔑᑭᑐᐊᐧᐨ ᒥᓇ ᑫᐃᐧᑕᒪᑫᐊᐧᐨ ᐃᐧᒋᑫᐃᐧᐣ᙮

ᐊᐧᐁᐧᓇᒋᑫᐃᐧᐣ ᑐᑕᒧᐃᐧᓇᐣ

  • ᑲᐧᔭᒋᐣ ᒋᐊᓱ ᒪᒋᐦᐊᒧᔭᐣ ᙮ ᐊᐧᐁᐧᓇᑐᐣ ᑭᐱᒥᔭᐃᐧᐣ ᐁᑲ ᑲᐃᔑᓂᑌᐣᑕᑲᐧᐠ ᒋᐃᔕᔭᐣ ᑭᐡᐱᐣ ᐊᐱᐣ ᐃᐧᒋᑲᑌᐠ ᒋᒪᔭᒧᓇᓂᐊᐧᐠ᙮ ᐁᑲᐧ ᑲᔭ ᑭᒋᐃᔑᓭᐃᐧᐣ ᐊᐸᒋᒋᑲᐣ ᑲᐧᔭᑎᓇᐣ (ᐃᓇᐱᐣ ᓂᔑᐣ 2)᙮
  • ᐊᐧᐁᐧᓇᓯᐠ ᐊᓂᐣ ᑫᑐᑕᐊᐧᑕᐧ ᑭᑕᐊᐧᑲᓇᐠ᙮ ᐁᐡᑲᑦ, ᑲᐊᐧᐁᐧᔑᔭᑲᓄᐊᐧᐨ ᐊᐃᐧᔭᔑᔕᐠ ᐁᑕ ᐸᑭᑎᓇᑲᓄᐊᐧᐠ ᐃᐃᒪ ᑲᐃᔑᐅᑭᑕᓂᐊᐧᐠ ᐊᐧᑲᐦᐃᑲᓂᐠ᙮ ᐁᑲᐧ ᑭᐡᐱᐣ, ᑲᐧᔭᑎᐣ ᐊᐃᐧᔭ ᐱᓇᒪ ᒋᑲᓇᐁᐧᓂᒪᐨ ᑭᑕᐃᐧᔭᔑᔕᐣ ᑭᐡᐱᐣ ᐊᐱᐣ ᐃᔑᓭᐠ ᒋᓇᑲᑕᒪᐣ ᑭᑲᐯᔓᐃᐧᐣ᙮

ᐁᑲᐧ ᐊᐱᐣ ᑭᐊᐧᐁᐧᓇᒋᑫᐃᐧᐣ ᑲᐧᔭᑎᓇᒪᐣ

  • ᐊᓂᒧᑕᒪᐃᐧᐠ ᑭᐊᐧᐁᐧᓇᒋᑫᐃᐧᐣ ᐁᐦᐊᐠ ᑭᑎᐯᐣᒋᑫᐃᐧᐣ ᒥᓇ ᑭᑐᑌᒪᐠ᙮
  • ᑲᑫᐧᒋᑐᓇᐣ ᑭᐊᐧᐁᐧᓇᒋᑫᐃᐧᓇᐣ᙮
  • ᑫᒋᓇᐨ ᑭᑫᐣᑕᐣ ᒥᓇ ᑲᐧᔭᐠ ᒋᐱᒥᓂᓴᐦᐊᒪᐣ ᑫᑐᑕᒧᐃᐧᓇᐣ᙮ ᐱᒥ ᑲᓇᐊᐧᐸᑕᐣ ᑎᐸᒋᒧᐃᐧᐣ ᐊᒪᐧᔦ ᓇᐣᑕ ᒣᑲᐧᐨ ᒪᐊᐧᐨ ᑭᒋᐃᔑᓭᐠ᙮ ᐱᒥᓂᓴᐦᐊᐣ ᑭᐃᐧᑕᒪᑯᐃᐧᐣ ᐁᐦᐊᐠ ᐅᒋᐃᐧᒋᐦᐃᐁᐧᐠ ᒥᓇ ᐅᑭᒪᐠ ᑲᐃᔑᐃᐧᑕᒪᑫᐊᐧᐨ᙮

ᑯᑕᑭᔭᐣ ᑐᑕᒧᐃᐧᓇᐣ

ᐃᔑᑭᑐᐣ ᑭᑕᐃᐧᐣ ᒪᓯᓇᐦᐃᑫᐃᐧᑲᒥᑯᐠ ᒋᑭᑫᐣᑕᒪᐣ ᑫᑯ ᒪᒋᑭᑐᐃᐧᐣ ᑭᐊᐸᒋᒋᑲᑌᐠ ᐊᐊᐧᔑᒣ ᐃᐧᒋᑫᐃᐧᐣ ᒋᐅᒋᑭᑫᐣᑕᒪᐣ ᒣᑲᐧᐨ ᑲᑭᒋᐃᔑᓭᐠ (211, 311 ᓇᐣᑕ ᑯᑕᐠ)᙮ ᐅᐅᐁᐧ 911 ᐁᑕ ᐊᐸᒋᑐᐣ ᑭᐡᐱᐣ ᐊᐃᐧᔭ ᔐᒪᐠ ᐃᐧᒋᐦᐃᐁᐧᐃᐧᐣ ᑲᓇᑕᐁᐧᐣᑕᐠ ᐅᐅᒪ ᐅᒋ ᐅᒥᓄᔭᐃᐧᓂᐠ, ᐅᑕᔭᑲᐧᒥᓯᐃᐧᓂᐠ ᓇᐣᑕ ᑫᑯᓇᐣ ᑲᑎᐯᐣᑕᑭᐣ᙮

ᒪᓯᓇᐦᐃᐧᑎᓯᐣ ᒋᐃᐧᑕᒪᑯᔭᐣ ᑭᒋᐃᔑᓭᐃᐧᓇᐣ ᑲᐃᐧᒋᑲᑌᑭᐣ. ᙮ ᒪᒪᑕᐃᐧ ᐱᐊᐧᐱᑯᐠ ᐃᐃᒪ ᑲᑭᐃᔑᒪᓯᓇᐦᐃᐧᑎᐢ ᐁᑲ ᑕᑲᐨ ᒋᑎᐸᐦᐃᑫᔭᐣ ᒥᓇ ᒪᒪᑕᐃᐧ ᐱᐊᐧᐱᑯᐠ ᒋᐅᒋᒪᓯᓇᐦᐊᒪᑯᔭᐣ ᓇᐣᑕ ᑲᔭ ᒪᒋᑭᑐᓀᔑᐠ᙮ ᑭᐃᐧᑌᐣ www.ontario.ca/beprepared ᐁᑲᐧ ᐅᑫᐧᓂᐊᐧᐣ ᐱᒥᓂᓴᐦᐊᓂᐣ᙮

ᓂᔑᐣ 2: ᐅᔑᑐᐣ ᐊᐦᐃᐣ ᑭᒋᐃᔑᓭᐃᐧᐣ ᐊᐸᒋᒋᑲᐣ

ᐁᑲᐧ ᑭᒋᐃᔑᓭᐃᐧᐣ ᐊᐸᒋᒋᑲᐣ ᐃᔑᓭᓂ ᑲᑭᓇ ᑫᑯᓇᐣ ᑲᓇᑕᐁᐧᐣᑕᒪᐣ ᒋᐊᔭᑭᐣ ᒥᓇ ᐱᑯ ᒥᐡᑯᐨ ᑲᐧᔭᐠ ᒋᑲᓇᐁᐧᓂᒥᑎᓱᔭᐣ ᓇᐣᑕ ᑲᔭ ᑭᑎᐯᐣᒋᑫᐃᐧᐣ ᐃᐃᐁᐧ ᓂᐦᓱᑭᔑᑲ ᒥᓂᑯᐠ᙮ ᐅᑫᐧᓂᐊᐧᐣ ᑫᑯᓇᐣ ᑲᓇᑕᐁᐧᐣᑕᒪᓂᐣ ᒪᓯᓇᐦᐃᑲᑌᐊᐧᓄᐣ ᒪᒪᑕᐃᐧ ᐱᐊᐧᐱᑯᐠ, ᐅᑫᐧᓂᐊᐧᐣ ᒥᓇ ᑲᐃᐧᒋᐦᐃᑯᓇᐣ, ᐁᑲᐧ ᒥᓇ ᒋᑲᐧᔭᑎᓇᒪᓂᐣ ᑭᐡᐱᐣ ᐊᐱᐣ ᐅᒋᓇᑲᑕᒪᐣ ᑭᑲᐯᔓᐃᐧᐣ᙮

ᐅᑫᐧᓂᐊᐧᐣ ᒋᐊᑐᔭᓂᐣ ᐃᐃᒪ ᑭᑕᐸᒋᒋᑲᓂᐊᐧᔑᐠ

ᒪᐊᐧᐨ ᑲᓇᑕᐁᐧᐣᑕᑲᐧᑭᐣ

ᒥᒋᑦ ᐁᑲᐧ ᑕᐊᐧᐱᑲᐦᐃᑲᐣ (ᑲᐸᑲᐧᑭᐣ ᒥᒋᒪᐣ ᒥᓇ ᐃᐧᐸᐨ ᑲᑭᔑᓴᒪᓂᐣ, ᑫᒋᓇᐨ ᐱᑯ ᓂᐦᓱᑭᔑᑲ ᒋᐱᒥᓭᔭᐣ)

ᓂᐦᐱ (4 ᓂᐃᐧᒥᓂᑲᐧᑲᐣ ᐯᔑᐠ ᐊᐃᐧᔭ, ᐯᔑᑯᑭᔑᑲ)

ᐊᐧᐡᑌᐸᓂᒋᑲᐣ

ᓇᑐᑕᒧᐃᐧᐣ (ᑲᓇᐸᐱᑫᓯᐠ ᓇᐣᑕ ᐃᐡᑯᑌᓴᐣ ᑲᐊᐸᑕᑭᐣ)

ᓇᐊᐧᐨ ᒥᔑᐣ ᐃᐡᑯᑌᓴᐣ ᒋᐊᔭᑭᐣ

ᑲᑲᓯᓂᒐᑲᓂᐊᐧᐠ ᒥᓂᒋᑲᐠ ᓇᐣᑕ ᑲᔭ ᑲᓯᓂᒐᓂᑲᓀᑭᓄᐣ

ᑭᒋᐃᔑᓭᐃᐧᐣ ᐊᐸᒋᒋᑲᓂᐊᐧᐡ

ᒪᐡᑭᑭᐣ

ᑲᑭᒋᐃᓀᐣᑕᑲᐧᑭᐣ ᐯᐸᓄᐣ (ᑲᐅᒋᑭᑫᓂᒥᑯᔭᐣ, ᑲᑲᓄᓇᑕᐧ, ᑲᐃᐧᒋᑫᒪᑲᐠ ᒪᐡᑭᑭᐣ ᑲᐊᐸᒋᑐᔭᓂᐣ, ᑭᔭᐱᐨ᙮)

ᔓᓂᔭᐣ (ᐁᑲᐧ ᑭᔭᐱᐨ ᐅᑕᐸᓂ ᐊᐱᓴᑲᐦᐃᑲᓇᐣ)

ᐳᑕᒋᑲᐣ (ᑫᐅᒋᑭᑫᓂᒥᑯᔭᐣ ᐊᐣᑎ ᑫᐊᔭᔭᐣ, ᑭᐡᐱᐣ ᓇᑕᐁᐧᐣᑕᑲᐧᐠ)

ᒥᒐᐱ ᒪᐡᑭᑭ ᒥᓇ ᒥᓯᐟ ᒪᐡᑭᑭ

ᒥᓇ ᐱᑯ ᑯᑕᑭᔭᐣ ᑫᑯᓇᐣ ᐁᐦᐊᐠ ᑭᑎᐯᐣᒋᑫᐃᐧᐣ ᑲᐊᐸᒋᑐᐊᐧᐨ (ᑐᑲᐣ ᐊᐱᓴᓯᓂᑭᓄᐣ ᓇᐣᑕ ᐯᐱᐃᐧ ᒍᒍᓴᐳᐣ, ᑭᔭᐱᐨ)

ᑭᑕᐊᐧᑲᓇᐠ ᐅᒥᒋᒧᐊᐧᐣ ᒥᓇ ᐅᑕᐸᒋᒋᑲᓂᐊᐧᐣ ᑭᐡᐱᐣ ᐁᑕ ᐅᑕᐊᐧᑲᓂᔭᐣ

ᑯᑕᑭᔭᐣ ᐊᐸᒋᒋᑲᓇᐣ ᑭᐡᐱᐣ ᐊᐱᐣ ᒪᒋᐦᐊᓂᒧᐦᐃᐁᐧᓇᓂᐊᐧᐠ

ᑭᐡᑭᑲᓇᐣ, ᒪᑭᓯᓇᐣ

ᑲᓂᐸᐊᐧᑲᓂᐊᐧᐠ ᓇᐣᑕ ᐊᐧᐳᔭᐣ

ᑫᑯᓇᐣ ᑲᐊᐸᒋᑐᔭᓂᐣ (ᔓᑊ, ᑭᓯᓴᐱᑎᐃᐧᔓᑊ, ᒥᓇ ᑯᑕᑭᔭᐣ ᑫᑯᓇᐣ)

ᑌᒪᐦᐊᓇᐠ ᓇᐣᑕ ᐱᒥᔭᐃᐧ ᒪᒣᑕᐁᐧᐃᐧᓇᐣ

ᑯᑕᑭᔭᐣ ᑐᑕᒧᐃᐧᓇᐣ

  • ᐅᑫᐧᓂᐊᐧᐣ ᑫᑯᓇᐣ ᐊᐦᐃᐠ ᐸᐡᑫᐧᐊᐧᔑᐠ ᐃᔑᐱᓂᐦᐊᓂᐣ ᓇᐣᑕ ᑲᐅᓯᑎᐊᐧᐠ ᐸᐡᑫᐧᐊᐧᐡ᙮
  • ᑲᓇᐁᐧᐣᑕᐣ ᑭᒋᐃᔑᓭᐃᐧᐣ ᐊᐸᒋᒋᑲᓂᐊᐧᐡ ᐁᑲ ᐊᐃᐧᔭ ᑫᐃᔑᐊᐧᐁᐧᒋᑌᐱᓇᐠ᙮
  • ᑲᓇᐁᐧᐣᑕᐣ ᒋᒪᒋᑭᑐᓀᐡ ᓇᐣᑕ ᑐᑲᐠ ᑭᒪᒋᑭᑐᐃᐧᐣ ᐁᑲᐧ ᑲᔭ ᑫᒋᓇᐨ ᒋᐃᐡᑯᑌᐊᐧᐠ᙮

ᐃᐧᒋᑫᐃᐧᐣ ᐅᐅᐁᐧ ᐅᒋ ᑭᒋᐃᔑᓭᐃᐧᐣ ᓂᐊᐧᐁᐧᓇᒋᑫᐃᐧᐣ

ᐱᒥᓂᓴᐦᐊᓂᐣ ᐯᐸᓄᐣ ᑲᐃᑭᑐᒪᑲᑭᐣ ᒥᓇ ᐃᐃᒪ ᐃᔑᐊᑐᓇᐣ ᑯᑕᑭᔭᐠ ᐊᐃᐧᔭᐠ ᑫᐃᔑᒥᑲᒧᐊᐧᐨ᙮ ᐅᒋᐱᒥ ᐊᐧᐁᐧᑕᐦᐃᓇᓂᐣ ᑭᐡᐱᐣ ᐅᐅᐁᐧ ᐃᔑᓇᑕᐁᐧᐣᑕᑲᐧᐠ ᐁᑲᐧ ᑲᓇᐁᐧᐣᑕᒪᓯᐣ ᑭᒋᐃᔑᓭᐃᐧᐣ ᑭᑕᐸᒋᒋᑲᓂᐊᐧᐡ᙮

ᓂᑕᔭᑲᐧᒥᓯᐃᐧᑲᒥᑯᐣ

ᐊᐱᐣ ᒣᑲᐧᐨ ᑭᒋᐃᔑᓭᐃᐧᐣ, ᓇᐣᑕ ᑕᐃᔑᓭ ᐊᐱᐣ ᒋᓇᑲᑕᒪᐣ ᑭᑲᐯᔓᐃᐧᐣ᙮ ᓂᔑᐣ ᒪᓯᓇᐦᐊᓂᐣ ᐊᐣᑎ ᐊᐱᐣ ᑫᐃᔕᔭᐣ, ᐯᔑᐠ ᑲᐯᔑᓇᑲᐧᐠ, ᒥᓇ ᑐᑲᐠ ᑲᓇᐃᐧᓇᑲᐧᐠ (ᐃᐃᒪ ᐊᑲᐧᒋᔭᐦᐃᐠ ᑲᐃᔑᑲᐯᔑᔭᐣ)᙮ ᐅᑫᐧᓂᐊᐧᐣ ᐊᑎᐟ ᑫᑯᓇᐣ ᑐᑲᐣ ᒪᓯᓇᐦᐃᑲᓇᐣ ᑲᐃᔑᑕᑲᐧᑭᐣ, ᐁᒪᐦᐃᐁᐧᑲᒥᑯᐠ, ᓇᐣᑕ ᒪᐊᐧᑐᐡᑲᐃᐧᑲᒥᑯᐠ᙮

Empty data table showing content of header row in first column only.
ᓂᐣᑕᑦ ᑫᐃᔕᔭᐣ #1
ᒥᓇ ᑲᐃᓇᓯᓇᐦᐃᑲᑌᐠ ᑲᐃᔑᑲᐯᔑᔭᐣ
ᓂᔑᐣ ᑫᐃᔕᔭᐣ #2
ᒥᓇ ᑲᐃᓇᓯᓇᐦᐃᑲᑌᐠ ᑲᐃᔑᑲᐯᔑᔭᐣ

ᓂᑎᐯᐣᒋᑫᐃᐧᐣ ᐊᔭᒥᐦᐃᑐᐃᐧᐣ ᐊᐧᐁᐧᓇᒋᑫᐃᐧᐣ

ᒣᑲᐧᐨ ᑭᒋᐃᔑᓭᐃᐧᓇᐣ, ᒪᒋᑭᑐᐃᐧᐣ ᒥᓇ ᒪᒪᑕᐃᐧ ᐱᐊᐧᐱᐠ ᑲᐅᒋᐊᓄᑭᓭᐠ ᓇᐣᑕ ᑕᒪᒋᓭᐊᐧᓄᐣ᙮ ᐊᐃᐧᔭ ᑲᑲᐯᔑᐨ ᐃᐧᐡ ᐊᑲᐧᒋᔭᐦᐃᐠ ᑕᐃᐧᓂᐠ/ᑭᒋᑕᐃᐧᓂᐠ ᑭᐣ ᐁᑲᐧ ᑯᑕᑭᔭᐠ ᑭᐊᐧᑯᒪᑲᓇᐠ ᑭᐃᔑᑭᑐᐊᐧᐨ ᒥᓇ ᒋᒥᓇᑲᓄᐊᐧᐨ ᒪᒪᐃᐧ ᐃᐧᒋᑫᐃᐧᐣ᙮ ᑭᐡᐱᐣ ᐁᑲ ᐊᐧᔭᒋᔭᐦᐃᐠ ᑕᐃᐧᓂᐠ ᐁᑲ ᐁᑭᐃᔑᓭᐠ, ᓇᐣᑕ ᑕᔑᑫᐃᐧᓂᐠ ᒥᓇ ᒪᐊᐧᑐᐡᑲᐃᐧᑲᒥᑯᐠ ᐃᔑᑭᑐᐣ᙮

Empty data table showing content of headers in first row and first column only.
ᑭᐃᐧᓱᐣ ᑫᐃᔑᑲᓄᓂᑯᔭᐣ ᐃᐧᒋᑫᐃᐧᐣ (ᒪᒋᑭᑐᐃᐧᐣ, ᒪᒪᑕᐃᐧ ᐱᐊᐧᐱᐠ)
ᓂᐡᑕᑦ ᑲᓄᒋᑫᐃᐧᐣ #1
ᓂᔑᐣ ᑲᓄᒋᑫᐃᐧᐣ #2

ᑲᑭᒋᐃᓀᐣᑕᑲᐧᐠ ᒪᐡᑭᑭᐃᐧ ᐃᐧᒋᑫᐃᐧᐣ

ᐁᑲᐧ ᑲᐃᔑᐸᐯᔑᑯᐊᐧᐨ ᐊᐃᐧᔭᐠ ᐃᐃᒪ ᑭᑲᐯᔓᐃᐧᓂᐠ, ᐃᐧᑕᓂᐣ ᑭᑕᑯᓱᐃᐧᐃᔑᔭᐃᐧᓇᐣ ᒥᓇ ᑯᑕᑭᔭᐣ ᑫᑯᓇᐣ ᑲᓇᑕᐁᐧᐣᑕᒪᓂᐣ, ᑐᑲᐣ ᒪᐡᑭᑭᐣ ᒥᓇ ᒪᐡᑭᑭᐃᐧ ᐊᐸᒋᒋᑲᓇᐣ᙮

ᑭᑎᓇᐱᓀᐃᐧᐣ

Empty data table showing content of header in first row only.
ᐊᐃᐧᔭ ᑲᐃᔑᓂᑲᓱᐨ ᑲᐃᓇᐱᓀᐨ/ᑫᑯᓇᐣ ᑲᒪᒋᑐᑕᑯᐨ/
ᓇᓇᑲ ᑫᑯᓇᐣ ᑲᓇᑕᐁᐧᐣᑕᑭᐣ
ᑲᒪᓯᓇᐦᐃᑲᑌᑭᐣ

ᒪᐡᑭᑭᐣ

Empty data table showing content of header in first row only.
ᐊᐃᐧᔭ ᑲᐃᔑᓂᑲᓱᐨ ᒪᐡᑭᑭ ᓇᐣᑕ ᒪᐡᑭᑭᐃᐧ ᐊᐸᒋᒋᑲᐣ ᑲᒪᓯᓇᐦᐃᑲᑌᑭᐣ (ᑫᑯᓇᐣ ᑲᐃᔑᐊᒋᑲᑌᑭᐣ, ᐃᐡᑯᑌᐣ, ᐁᑲᐧ ᒥᓇ ᑯᑕᑭᔭᐣ ᑫᑯᓇᐣ) ᒪᐡᑭᑭᐃᐧᓂ ᒥᓇ ᑲᐃᔑᑲᓄᓇᑲᓄᐃᐧᐨ

ᑲᐃᔑᐊᑌᐠ ᑭᒋᐃᔑᓭᐃᐧᐣ ᓂᐊᐧᐁᐧᓇᒋᑫᐃᐧᐣ

ᒋᐃᐧᑕᒪᐣ ᐊᐣᑎ ᑭᒋᐃᔑᓭᐃᐧᐣ ᐊᐸᒋᒋᑲᐣ ᑲᐃᔑᐊᑌᐠ, ᒥᐡᑯᐨ ᑯᑕᑭᔭᐠ ᐊᐃᐧᔭᐠ ᑫᐃᔑᐊᐧᐁᐧᒋᒥᑲᒧᐊᐧᐨ ᑭᐡᐱᐣ ᐊᐱᐣ ᐃᐧᒋᐦᐃᑲᐧ᙮

Empty data table showing content of header in first cell of first row only.
ᑲᐃᔑᐊᑌᐠ ᑭᒋᐃᔑᓭᐃᐧᐣ ᓂᑕᐸᒋᒋᑲᐣ: